الرئيسية التحكم التسجيل أتصل بنا
صفحة 1 من 9 123 ... الأخيرةالأخيرة
النتائج 1 إلى 10 من 85

الموضوع: ๕oƒƒěě

  1. #1
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي ๕oƒƒěě

    ๕oƒƒěě

    حبيت تحمل مدونتـــي هالاسم ..لان الكوفي له معنى مميز..متنوع ..مختلف..بتعرفونه وبتعرفون الكثير عن التلي..




    الكوفي


    حبيبي كل يوم يمر يزيد بخافقي خوفي
    وأحس القلب تتزايد حموله والغصون رهاف

    صحيح إني صغير السن ولكن قرب احتوفي
    كتوم القلب والخافي بعيني ينقرى وينشاف

    اغرس الورد وأشواكه تجرح ناعم اكفوفي
    أحاول أوصل أحلامي وتاتيني الصعاب ارضاف

    شربت الهم وادمنته وغيري يشرب الكوفي
    وترياق الصبر ريقي ودمع ٍ ع الجفن رفاف

    (..) سنه والناس تحسب عمري الوفي
    ولا ألوم البشر لأنها همومي فالشعر تنشاف

    سرق مني الحزن طفله سرقها وابتدى خوفي
    وعلمني الزمان أقسى وخلتني الظروف أخاف




    للحديـــث بقيــــه .....

    تصبحــون على خيـــر
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  2. #2
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي

    صـــباحــي شــوق لــوجود "زايـــــد" بينـــــا


    اشتقت له حيل..صورته في السياره ..المكتب ..وقبــل اي شي في قلبــي وقلـب كل اماراتــي وكل من عرف زايد الخير محفووره..مرات اكون فالدرب مويهه ع دوامي واحس بشوق غريب لابويــه زايد..وتخنقني العبره رغم مرور وقت طويل ع غيابه الا ان لازااال الم فقده ووجوده امبيناااااا مأثر فيني بشكل كبير...ولو يابوا طاريه لا إراديآتيني الغبنه..ههه اذكر موقف صار لي من فتره ,كنت مع مدرس مصــري..اطرقنا بالحديث عن زايد "ربي يرحمه برحمته" والتلــي امتلت عينها بالدموع حاولت اداري الدمعه لكن عيــت ..قال بالمصري(فٌيه ايه يا (...) )؟؟ رديت عليه غير الموضوع يرحملي والديك ههه لان فعلآ من اييب طاريه يهتز الكيااان ..قال تدرين ان احلى مدينه عندنا في مصر"مدينة الشيخ زايد"..قلت فخاطري شو سويت يا زايد وشو م البشر انته لي خليت حتى الغريب يذكرك بالخير...ربي يرحمك يا زايد ..رحلت وخليت فقلوبنا جرح ما يبرى




    اضايق كثير لو حدرت بقعه (دوائر حكوميه وماشابه) وماحصلت صورته امبين صور شيوخنا الله يحفظهم ويديمهم لنا..كيف صورة مؤسس الدوله هب موجوده معقوله ! ههه ايي في بالي اضاربهم لكن "اتعــوذ من ابليس" واكف الشــر



    اشتقت لك يا زايــــــــد شوووووق مستحيل اوصفه لو اكتب من القصيــد ملايين ..لان الشاعر يعجز مرات عن وصف بعض المشاعر لي تكون اقوى من المشاعر نفسها..ولو انـي كتبت لزايد وبكتب ما حييت..لكن مااحس كل هالقصيد يعبر عن ربع لي بداخلي..


    ( اكبــــــــر فخــــــــر للنــــاس انك من النـــاس)


    احب هالعبـــاره لي ارفقتها مع صوره من صور ابويه زايد ع مكتبي( نحنـــــا عــرب زايــد اذا تبغي العلــم)
    نعم عرب وعيال وابناء وتربيـــــة زااايد الخير

    والله يديم ويحفظ شيوخنا الكراااام ويحفظ دار ( الشيب الفلاحــي )
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  3. #3
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي

    صبـــاح الخيــــر

    اصبحنا واصبح الملك لله






    ريحــة الكوفـي..شكلــه ..طعمه.يروووق المزاااج...وها جزء من السر في اختياري له اسم لمدونتــي..سبحان الله حتى لي ما يشرب الكوفي يحب ريحته ولي مايحب ريحته يحب شوفه خخخ المهم فيه سر بين مخ الانسان والكوفي..قبل فتره طويله كنت مدمنة كوفي "اعتراااف" والحمدالله الحين ابدأ فيه الصبــح واحااول اتفاداه طول اليوم...ههههههه بس الظاهر ربيعاتي ربي يحفظهن لازالن ماخذات فكرة ادمانــي وراسخه في بالهن

    والدليـــــل ان في يوم ميلادي فتحت العلبه الكبيره المغلفه واحصـــــــل






    والكوفي اعتبره مثل طبايع الناس ..شي منه سكره زايد..وشي منه بلا سكر..وشي منه معتدل..وشي منه مر المذااااق

    يعني الكوفــي كلمه لكن وراااها الف كلمه ...( اعذروني اطلت الحديث عن الكوفي)

    مدمنة كوفي "سابقه"خطين تحت سابقه ولاتستوون مثل خوياتي اللي من فكرن يهدني فكرن يزيدن ادماني "رفاقة خير" هههه


    ويمكن جزء من طموحاتي المستقبلية ان افتتح كوفي شوب راااقي وعلى مستوى يضاهي افضل الكوفيات الموجوده "قولوا ان شاء الله بس"



    ابيات كتبتهن عقب ما روقت المزااج بالكوفي هالصباح
    مــاتـــدري انــك اذا مــاغبــت تتعبنـــي
    وبداخلي الآشواق تشبه زحمة الصبـح

    آنــــا فطـــورك..واجيـــلك دون تغرفنـــي
    قهوة صباحك..ياللي تعني لك الربــــح
    التعديل الأخير تم بواسطة التلــــي ; 28-05-2012 الساعة 09:43 AM
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  4. #4
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي



    قالت من انت وقلت مجموعة انسان

    من كل ضد وضد تلقين فيني

    فيني نهار وليل وافراح واحزان

    اضحك ودمعي حاير وسط عيني

    فيني بداية وقت ونهاية أزمان

    اشتاق باكر واعطي أمسي حنيني

    واسقي قلوب الناس عشق وضميان

    واهدي حيارى الدرب واحتار ويني

    واحاوم طيور السما حوم نشوان

    واسيل الوديان دمعي حزيني

    في عيني اليمنة من الورد بستان

    وفي عيني اليسرة عجاج السنيني

    تهزمني النجلا وانا ند فرسان

    واخفي طعوني والمحبة تبيني

    ان ما عرفتيني فلاني بزعلان

    حتى انا تراني احترت فيني


    خالــد الفيصــل






    التلـــي..مجموعة انسان..علمتني الدنيا كثير..ولا زااالت..فينــي قلب وفكر اضعاف عمري..الله كتب يعطيني قلب وفكر شاعر ولله الحمد..حساسه..وفيني طفوووله وطيبه..فيني حماس الشباب..فيني فكر الشواب..مرحه واحب جو الفرح..متجدده..احب الخصوصية واحترمها..مرااات اشوف من هم في سني واتمنى كثثثثير لو ان فيني من طيشهم وجنونهم ولا مبالاتهم..مش حبآ في هالشي لكن دايمآآ احس ان فيني شي داخليآآ مختلف وعجزت اعرفه!! احاتي..احاسب..افكر قبل لا اخطي الخطوه وهالشي متعب..خجوله..حنونه..ولو ان مرات الناس تفسر الخجل والرزانه "غرور" لكن مايهم دام اللي يتقرب مني يعرف معدني ويعرف طبعي ويفهم قلبي ومباديه



    (تارك المنقود قبل الناس تنقد)

    جزء من التلي ...ولي فخاطره اطرح او ارمس في شي معين من خلال هالمدونه فاله طيب..
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  5. #5
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي



    سولفوا تكفون لا عاد تسكتون
    قبل لا أهوجس وياتيني بلاي


    السكات يزود طعوني طعون
    وتنكسر لا جا على راسي عصاي


    سولفوا لو ما بغيتوا اتسولفون
    قبل لا اقعد في الحزن رايح..وجاي


    واضحكوا لو بالعماله تضحكون
    وجاملوني لو يضايقكم حكاي


    غير طيعوني ولا عاد تسكتون
    ولا والله إن أسمعكم بكاااي

    بن فطيــس





    ( ضــــــــــايق ولا لــــي خلــق للضحــكه)


    (ضايقه بالحيل محتاجه اشتكي ..لولا طبع فيني يمديني حكيت..بس ادور عذر من شان البكي..لو يدوسون بطرف ثوبـي بكيت)
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  6. #6
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي



    اغلى بشر في جملة الناس يا امي
    واغلى مــن العــين والعمر كلــه

    همــي وعوقــي كم شلتيه همــي
    وشلون عوقج عقب هذا ما اشلـه

    التلــي



    مادام لي فالعمر باقي..اوعدج عمري في رضاج بمشيه..اوعدج اوقد شمع كفي لعينج..واعاهدج اني اخلي دنيتج نور..انا نعم افخر بأني تحت ايدج تربيت..وكم م الرجال اللي تربوا بكفج
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  7. #7
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي




    لا امتلــى قلبي هموم..وانشغل فكــري كثير..ومالقيت انسان يفهم..جرح قلبي واوجعــه
    اجلس اتأمل جرووحي ..واتحول طفل مايملك سوى ذرف الدموع
    لو ابين للبشر بأني شديد..واني اتحمل كثير
    بس انا والشاهد الله ..طفل في مهده صغير
    دوم انا احتاج حضن..بحنانه يلمني..قلب مايقسى علي
    قلب يفهم قسوتي..بأنها تفريغ لا اكثر لصدر ممتلي م الوقت هم

    اعترف بأني (تعبت)آآه يا كلمة تعب
    كم احاول اتماسك ع الظروف
    وليت لو واحد يشوف
    بأن فيني م التعب دوله
    محاصرها جيووش
    وفسماها رعود خوف

    خايف اشكي همي وعوقي لأحد..ماهي قله في الثقه
    بس انا ما اعتدت اشكي لاي احد
    والمصيبه في الزمن لي تشتكي له
    يطلع اقسى من شكاك
    ويصبح السبه في بكاك
    آآه يا وقتي كفايه..ودي اختم هالحكاايه
    ودي بإنسان القى فيه نفسي
    واشتكي له..باكر..و يومي وامسي
    مايتغير لو يمر العمر فينا
    لو اقوله ما ابيك
    مايتغير
    لو اقول اوله عليك
    يقولي اكثر
    ولو اسافر آخر حدود الزمان
    التقي به فالمكان
    ولو اموت يموت بعدي من شقاه


    التـــلي



    انا مقدر أكون اني حبيب في بعـض الاحوال
    أنــا كلـي أجـي... و الا أروح بعزتـــي كلـي

    طلال الرشيد
    التعديل الأخير تم بواسطة التلــــي ; 09-06-2012 الساعة 01:37 AM
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  8. #8
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي



    وصلتني هالآبيات Bc..وعجبتنـي

    غرقـت في بحـر مافيـــه ساحل
    وانا بحور اهل الهوى محترفها

    الحب اعرفه واعرف انه مراحل
    لكن وصلت لمرحله (مااعرفها)



    وقلت....

    لاشك انا مخلوق..زايل وراحل
    انـا ولــد الايام..رابـي ع كفهـا

    لو تلتـوي كفي..انا امـد كاحـل
    امشي وروحي ماارد في طلبها

    اكتم جروحي لو بدى الجسم ناحل
    ثابت وعيني ما يرف لك طرفها



    تصبحوون ع خير
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  9. #9
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي





    مانـــي من اللــي فالحــزن دومـه يضيع
    بالعكــس حـــزني يسقــي العـقل فكره

    وأســج وأسهــر وأشــري الجـرح وأبيـع
    تاجـــر ولـــي في سوق الجروح شهره

    الضيــق ســـده للـــردي دومــه منيــع
    والا الشــديــد يــــروم لاشــك قهــــره

    الضعـف صعبـــه اتركــه دونـــي يشيع
    آخــذ دروس الجـــرح وآغــوص بحــــره

    انتـــه تلمـــع جـــرح الايـــــام تلميـــع
    ماتعـــيش جرحـــك حسـب ايــام عمره

    وسيــــع صــــدر وللعـــنا ماانته وسيع
    دوم اتظاهــــر بالفـــــــرح والمســــره

    وان غصـــت يوفك شفت الآهات ترويع
    ضـــره وتشكـــي مـن عنا جور ضـــره


    التلــــي







    GOOD NIGHT

    GOOD NIGHT
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

  10. #10
    مراقبه منتدى الشعر
    الصورة الرمزية التلــــي

    الحاله : التلــــي غير متواجد حالياً
    تاريخ التسجيل: Apr 2012
    رقم العضوية: 1095
    الدولة: فـي وطـن غــآإلـﮯً وترخـص فييـﮧ الآآثمــإأإأڼ
    الهواية: گثر مٱ أگتب عن جروحي لقيت بدٱخلي ديوٱن
    السيرة الذاتيه: šρe¢ıαł.ēĐıтıŏи
    المشاركات: 894
    Array

    أوسمة العضو


    افتراضي



    شعور صعب يوم تحس انك مقيد..ما هي قيود من حديد..ولا حبال..هي قيود الوقت لي تفرض عليك امر صعب تغييره..تشوف الحق جدام عيونك وماتقدر توصل له..تشوف ابواب كثيييييره في ويهك ولكن تحس انك ضيعت كل المفاتيح..احساس صعب..مراات كردة فعل للواقع لي تعيشه تكون شـرس وعدائي..مب لانه طبعك لكن لان الوقت يطلب منك تلبس هالزي.. توقف ع المرسى وتشوف البحر مويه عاتي ومياديفك في يديك لكنها"مكسوره" توقف متأمل..قوي لكن سلاحك لي ناوي تصارع به المووي"الموج" ما يسعفك.



    انا من الناس لي اكره اشوف الحق جدامي ومااطالب به سواء لي او لغيري,واللي يكسرني صدق يوم اشوف الحق ومااقدر احرك ساكن ,مب ضعف لكن مرات يكون فعلآ لاحول لك ولاقوه...ويمكن هالموقف مني يعطي بعض الناس لي طبعهم حيادي او الناس لي يتبعون هالمثل( دام سلمت انا وناقتي ماعليه من رفاقتي) اني انسانه على خطأوادور المشاكل بس لاني تكلمت في الحق ..لانهم تعودوا يشوفون الظلم وطمس الحق شي عادي دام الاغلب يمارس هالمفهوم..ومره في اجتماع او حديث بالاصح مع مسؤلي,كنا نتناقش في موضوع مشابه للي ذكرته.. فقال لي كلام ماانساه..كلام فكرت فيه من عدة جوانب..لكن فالنهايه زادني قوه ,,قال: مشكلتج انج"عنيده وعندج مبادئ..!!!! يا ناااس يا عالم هل اصبحت المبادئ والتمسك فيها مشكله وخطأأ!!! لازلت اجهل هالمفهوم ولو فهمته ارفض تطبيقه.

    دامني في الحق امشي مستقيم
    خلهــم يبـدون فينـي رايهــم

    الرضى يبقى رضى ربٍ كريــم
    منفرد طبعي انا عن طبعهـم



    التلـــي
    ماهو غرور..وتمادي..وقــــلة آذواقي
    " الحب مانسكبه لكل مدت كـاس"

صفحة 1 من 9 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •