حيرتني فيك ريشة

[كيان حرف]

احترت كيف ارسمك..
واحترت كيف ألونك..
ليس لي ف الحب لوحة ..
ولكنك لوحة رسمت نفسها في قلبي ..

[كتبيه محبوبه]

ررروووووعه يالغاالييه .. يعني الي فهمته من كلامج
انه من خيالج هالوييهه .. سبحااان الله اذا من خيالج وصدقيني
اذا من خيالج بيكوون هالويهه موجود في العاالم في مكاان
ياا قريب منج ياا بعيد كل البعدد .. بسس على ماا اعتقدد بعيد
لانه رسسسم شكله ف قلبج ..
اذا مابعيد المساافه بيكوون بعيد اروح والقلب لا اكثر

ابدعتي يالغلا وسمووحه طووولت ف رمسسه ..
سسلمتي وسسلم قلبببج ونبضه وربي لاحرمنااا
من وجودج ولا من يديدج يالغاااالييييه

تحياااتي واحترااامي لج من القلب غنااتي

[سعيد الكعبي]

لاجيت ريشة ترسم بها حبيبك
وين صفحة مالها بالغلا طي
غالي على قلبك وتتمناه بنصيبك
والحب لاهي ولا مفتكر بالحي
لو كان للحب شارع واشارات طيبك
ورصيب جوك ماخذ بلوحه الفي
لو محبك يحبك خذها مني تجيبك
يشوف الكون كله في عيونك شوي

والسموحة عالمداخله
سعيد الكعبي

[التلــــي]

فن البورتريه او فن رسم الشخصيه من الفنون اللي يوصل فيها الرسام وجهة نظره او تصوره لشخصيه

ابدعتي في الرسمه ورسمج دقيق "فنانه " ماشاء الله عليج

عيون دبي ساحة تحتضن كل مبدع

الف شكر لج

[تذكار]

رسمة رائعه اختي الحرهه
حبيت اتقانك لتفاصيل الوجه

يعطيك الف عافيه.

[كيان حرف]

كتبيه حبوبه

أشكر مرورج وردج ..

صاحب الصورة ليس بخيال .. هو طفل من العائلة ..

وليس ببعيد عن القلب .. بل هو في لب القلب ..

الله يحفظه

[كيان حرف]

سعيد الكعبي ..

صح لسانك خويه .. ومداخله جميلة

[كيان حرف]

التلي

أنا اسعد بوجودي بينكم عزيزتي

لن أقول هو فن .. بل هي هواية .. امارسها وقت فراغي ..

أحب الرسم .. ولا اعرف له انواع ..

ومتى ما احسست بجمال صورةٍ ما .. رسمتها..

تقبلي تحياتي ..

[كيان حرف]

تذكار ..

الله يعافيج ..

الروعة في مرورج وتوقيعج ف صفحتي ..

تقبلي ارق التحايا

[ناظم العربي]

ملامح انسانيه
دفئ رهيب يحمله الوجه
بورتريه رائع
شكرا لجمال اختيارك