الكِحــــل
الكِحل
ان جيت تزهر في ملاقــاك الارواح
وان رحت يكسيها الذبول وتعانــي
حلو التواصل لاغدى البال مرتـاح
ويطيب معك الوصل طول الزمانــي
ماأريـد أكون بدنيتك بس سـواح
ماهمني لـو قالـوا إني أنانــي
نـادر وكسبك بين هالناس أربـاح
مـاعاضني غيرك ولا أرضى بثانــي
مرتاح طبعآ..كيف ماأكون مرتـاح
مااعتدت أجامل في غلاي وحنانــي
أحتاج قربك في الشدايد والأفراح
أهـواك وأدري كـم قلبك هوانــي
ماتشوفني كالحـر في الجو لـواح
شامـخ وميـراث المعـزه كيانــي
جدواك قلبي رف..والخافق ارتـاح
لاتغيب يالغالـي..ترفـق عشانــي
فالختم شوف الكحل من مهجتي ساح
الدمـع غالـي.. بـس لجلك حداني
التلـــي
رد مع اقتباس
المشاركة الأصلية كتبت بواسطة الحر الأشقر
المفضلات