لقاء مع الشاعره ( التـلي )

[مُحَرَّمة]

ياهلا ومرحبا بج شاعرتنا ..

ماشاء الله عليج قصايدج منورة المنتدى وتلامس مختلف انواع الاحاسيس ..

راح اكون متابعة لج مع اسئلة الاعضاء ..

وكل الشكر موصول لعيون دبي على الاختيار الطيب..

مودتي ..

[التلــــي]

التلــــي
شاعره اماراتية-عضوه في رابطة اديبات الامارات
كاتبة(مقالات-خواطر-قصص )
مكتفيه حاليآبـ الشعر والخواطر



خريجة Business
اعمل في مجال Internal Audit

طالبــــة حقــوق حاليآ

My Future Goal
to be
Legal Auditor او وكيل نيابه



Things I like

Design and coordinate the decoration
&

Give Consulting for make-up , cosmetics and skin care
&

Photography


اعتذر عن الخلط بين العربي والانجليزي لكن بعض المسميات احس معناها اصح وبروفيشنال اكثر باللغة المكتوبه

[التلــــي]

يا هلا ومرحبا بج شاعرتنا المميزة في هاللقاء الرائع والمميز ..

تسلم عيون دبي ع اختيارك لشاعرة مبدعة في كتاباتهاوالقائها وشخصيتها الرائعة في ادائه الجميل بالمنتدى ..

لقاء رائع جدا ومميز معاج شاعرتنا المبدعه .... نورتي يالغلا ..

ولنا عودة وياج مع الاسئلة .. وان شاءالله تكون خفيفه اسئلتي وياج ..

همس..عضوه واخت عزيزه
تسلمين ع الترحيب الطيب والاطراااء ..اللقاء مابيكون مميز الا بأسئلتكم ومتابعتكم وتواصلكم

[التلــــي]

هلااااااااا بج شااااعرتنا المبدعه

اهلين وانا بإنتظار تواصلك واسئلتك

[التلــــي]

الشاعرة التلي


الله محيي هالتواجد اختي في مقابلة مع شخص الشاعرة التلي


ومن الحين بجهز لج كم سوال

بس اولها

مايعين الشعر سوى من يفهم الشعر وتذوق القصيد

من كان مشجع للتلي في مسيرتها الحسناء بكتابة الشعر ؟

الله يحييك ويبجيك شاعرنا واستاذنا القدير بن سليم

وانا اليه الشرف في التواصل وياكم والرد ع كل سؤاال من اعضاء هالمنتدى الغالي

مايعين الشعر سوى من يفهم الشعر وتذوق القصيد
من كان مشجع للتلي في مسيرتها الحسناء بكتابة الشعر ؟

انا نشئت في اسره اغلب افرادهاعندهم موهبة الشعر...يعني كنت القى التشجيع من الناس المقربين مني وبعض الصديقات والناس المحبه للشعر لي كانوا على علم بأن التلي شاعره وكاتبه"بس ماكان تشجيع اكثر مما كان ثناء" والاغلب انا شجعت نفسي بنفسي...لان مثل ماتفضلت مايعين الشعر سوى من يفهم الشعر "وهذا قليل"

[التلــــي]

BRB

كتبيه محبوبه
تسلمين يالغاليه ع الترحيب والبطاقه لي كلها ذوووق
ومشكوره ع رايج الطيب واطراءج الدايم والمميز لكل مبدع في هالصرح

[التلــــي]

صباح النور

سبب التسميه

بنت الغلا= لايوجد سبب لانه يأ وليد الصدفه "كان اسم مستعار اخترته في بداية النشر"

المستغنيه= بعد لا يوجد سبب معين غير ان عيبني المعنى ويمكن استنكره بعض الناس لغرابته وهو يعني
الاستغناء =التخلي او التنزه عن الشي "غير الله سبحانه" والبعض ظن ان معناه مستغنيه= كثيرة المال ههه


التلــي= صراحه ماعمري فكرت اعتمده للشعر لكن فتره استخدمته في BBM وحبيته وصارت امبينا الفه ولي عيبني ان معناه مميز.ولا يخفى عليكم معناه اكيد..


الخيانه بالنسبه لج عباره عن شو؟
عباره عن شي مااتقبل وجوده في عالمنا..اعتبره صفه او ممارسه سيئه في حق الانسان..والخيانه استغفال والاستغفال شي يثيرني بقوه..لكن برايي لي يخون "لا تسأله ليش خنت" ؟ لكن اقرى عليه السلآم

[التلــــي]

اختيار موفق


متابعين بصمت

وينج يا شاعرتنااا ^^

الصمت ممنوع..انتظر الاسئله

[التلــــي]

يا هلا فيج شاعرتنا ..

نورتي المنتدى بهاللقاء الرائع والمميز .. بالتوفيق لج عزيزتي ..

ونبدأ بالأسئلة ..

1- قبل أن نشرع في الحيث عن بداياتك الشعريه كيف تعرف بنفسك على الصعيد الإنساني؟

2- متى كانت بداية الشاعرة بنت الغلا او التلي وكيف كانت أول محاولاتها؟ وهل تذكرين لنا شي من تلك المحاولات؟

3- متى تجد الشاعرة التلي قلمها عاجزاً عن التعبير عن ذاتها أو عن إحساس يعتريها؟؟

ولي عودة يالغلا ..

تسلمين همس..والروعه بكم تتضاعف


قبل أن نشرع في الحيث عن بداياتك الشعريه كيف تعرف بنفسك على الصعيد الإنساني؟
انسانيه لابعد درجة..انسانه املك روح نقيه "ولله الحمد" مااحب الخبث ولا اعرفه..اكره اللف والدوران..احب الصدق واعمل به ومواقف الحياه يمكن تفسر انسانيه الشخص بشكل اوضح من الكلمااات كلهالان الانسانيه " افعال" لا " اقوال".

- متى كانت بداية الشاعرة بنت الغلا او التلي وكيف كانت أول محاولاتها؟ وهل تذكرين لنا شي من تلك المحاولات؟
بدايتي كانت مبكره جدآآ جدآ ..يعني كنت لا ازاال طالبه في الابتدائيه وبديت بمحاولات لابأس بها بالنسبه لهالعمر ..مابذكر لج بس اوعدج انزل بعض الصور القديمه حييل واعتقد سنة الكتابه كنت ادونها اسفل القصيده وبعض منها كنت ادرس للامتحان ع الكراااس ..واييني هاجوس الشعر..يعني كنت اتسلى بالشعر عن الدرس.
(اوعدج بنزلهن جريب ان شاء الله) وبتقرين كتاباتي في الطفوله.

3- متى تجد الشاعرة التلي قلمها عاجزاً عن التعبير عن ذاتها أو عن إحساس يعتريها؟؟
في شدة الحزن او شدة الفرح او فالتعبير عن شخص غالي (مثل الوالده الله يحفظها او الشيخ زايد بن سلطان آل نهيان "اعتبره اغلى مافقدت"ومافقدنا جميع)

[التلــــي]

ياهلا ومرحبا بج شاعرتنا ..

ماشاء الله عليج قصايدج منورة المنتدى وتلامس مختلف انواع الاحاسيس ..

راح اكون متابعة لج مع اسئلة الاعضاء ..

وكل الشكر موصول لعيون دبي على الاختيار الطيب..

مودتي ..

محرمة
تسلمين..ومشكوره والنور اكيد بمتابعتكم الطيبه

مانباج تكتفين بالمتابعه ...نبغي اسئله وتواصل

يعطيج العافيه