•˚|مُحَرَّمة|˚•على غيركـ •˚|مُحَرَّمة|˚• إلا عليكـ

[مُحَرَّمة]

السلام عليكم ورحمة الله وبركاته..

بداية شاكرة لمديرنا عيون دبي افتتاح قسم المدونات ..

واللي اعتبره من وجهة نظري الشخصية باب من ابواب البوح في زاوية عامة (خاصة) نوعا ما ..

ثانيا : مدونتي المُحَرَّمية..

راح تكون شاملة لشخصية مُحَرَّمة بكل حالاتها ..

يمكن تقرب البعض لشخصيتها اذا فهم محتوى حروفها ..

ويمكن تبعد البعض اذا حس بالغموض حولها ..

وبالاخير حروفي راح تكون مني لكم ..

من مُحَرَّمة الى متابعيها بشكل مباشر ..


وعلى بركة الله تم افتتاح المدونة المُحَرَّمية ..

بتاريخ 25-03-2012م
الساعة : 11:44مساء


كل التقدير والاحترام لشخصكم الكريم ..

اختكمـ// مُحَرَّمة

[مُحَرَّمة]

بااك ومع اول رد على مدونتي من بعد افتتاحية المدونة ^^

جمعة طيبة على الجميع وربي يتقبل من الجميع صالح الاعمال ..

امممم حابة اذكر شي من ايام الجامعة كان يضايجني طول سنوات دراستي هناك..

اول شي احلى واهدى سنة مرت علي كانت السنة الاولى ..

الله رزقني بدكاترة ماشاء الله وايد زينين كشرح واخلاق وتعامل وتشجيع دايم لي ..

والاهم من هذا كله انهم مايعطون ويه للبنات ..يعني اللي تجتهد تحصل درجاتها ..

وهذا اللي كنت اباه ..

ومرت هالسنة والمعدل كان مرتفع الحمدلله ..

بعد هالسنة اخترنا التخصص وبدينا نسجل مساقاتنا روحنا ..

مع الايام ووقت الكويزات والامتحانات سواء منتصف او فاينل ..

اكتشفت ان تقاديري مب متوافقة مع المجهود اللي ابذله خلال الكورس..

من غير البروجكتات والريبورتات اللي كنت اسلمها قبل وقتها ..

وتكون فل مارك ..

قلت يمكن انا قصرت بشي او كنت احل غلط بالامتحانات مدري ..

عاد كان فيني طبع للاسف غلط..اني مااروح اراجع الدكتور ولا اكلمه ولا اطلب منه توضيح ..

كنت كله الوم نفسي باي غلط يصير .. مع ان وارد جدا انه يكون الغلط من الطرف الثاني ..

المهم عديناها .. ويت السنة اللي عقبها واشوف نفس الوضع ..

اللي يقهر بالموضوع انه فيه بنات حرام انك ماتشوف ويهها الا في الميدتيرم والفاينل ..

واخر الكورس امتياز ..كيف مدري ..

على اخر الكورسات بدا مخي يكبر شوي وبديت اعرف شو سالفة البنات اللي مايحضرن كلاسات ولامهتمات وبالاخير صافينها امتياز..

مب حسد ابد.. بس انا سويت مجهود المفروض اكافأ عليه وهذا حقي متغربلة وبعيدة عن اهلي وبالاخير درجاتي ناقصة ..

بعديين عرفت انه دكاترتنا كان فيه منهم نوعين : الاول يعرفون اهل البنت يعني اخوانها واعمامها ويروح لهم البيت ويعزمونه ومدري شو..

فكانت البنت ضامنه درجاتها باردة مبردة .. لدرجة يكون عندها نسخة من الامتحان!!!!!!

والنوع الثاني من الدكاترة راعيين التقردين .. يعني 24 ساعة سوالف وضحك ويا الطالبة وبالاخير امتياز..


يوم تسال الدكتور ليش جي درجاتي ابا اراجع ورقتي يقولك والله اوراق الامتحان راحت مدري وين وبالكنترول وممنوع تطلع وخرابيطهم هذي..

وانا ماكنت احب اروح الاوفيس خير شر خلال الكورس علاقتي بالدكتور داخل الكلاس يعطينا المحاضرة واسجل ملاحظاتي وبس ... سوالف الترجي وزيدني درجات والقردنة ماكنت اعرف لها..


والله ياهو ظلم ظلم غير طبيعي تحس بقلبك حسرة ماتعرف وين تدق براسك..

الوحيد اللي كان وياي دوم هو المرشد الاكاديمي ..

وبنفس الوقت درسني مساقين تخصص..

وكان وايد يمدح شغلي ودقتي بالتقارير والبروجكتات ..وكان يعرف سبب تدني هالدرجات بسبب العقول المريضة لبعض الدكاترة

وقالي اني اول ماتتخرجين وتقدمين على وظايف بتنقبلين لان عندج كاريزما وحماس داخلي للشغل وتتحملين الضغط..

وهو نفسه كان عضو توظيف بشركات كبيرة قبل لاينتسب للجامعة..

والحمدلله تخرجنا وافتكينا من غربلة هالدكاترة والجامعة مع ان كانت الدراسة رقم واحد بحياتي ..

ومايندرى يمكن نكمل على جدام شوي ^^




السموحة ادري انها معلقة طويلة بس عاد اندمجت بالكتابة ^^

ونقول بربـــ في رد اخر^^ ..

ف داعة الله ..

[مُحَرَّمة]

//


ابكي على وقت(ن)مضى ..
راح كل شي وانقضى...

القلب كله حسرة والم..
يبكي من اوجاعه ندم...

وش كنت انا ووش كان...
منهو فينا اللي باع وخان..

أبعد انا وتنسى حبي ..
وتزيد انكسار قلبي..

مابيك ولا ارتجيك ...
ولا تحسب اني افكر فيك...

انتهى اللي بيننا وراح..
ومابقى غير الجراح..

قلبي بدوسه وامشي عليه..
وادوس من كان ساكنه وفيه...


\\


بقلمي ^^

[مُحَرَّمة]

صباح جديد تشرق شمسه لاعلان ميلاد يوم جديد..

صباح الامل الطاغي على الالم ليرسم على شفاهنا ابتسامة كابتسامة الوليد..

صباحكم رضا الرحمن وتوفيقه لكن من يقرا حروفي هذا الصباح وكل صباح ..


صباحكم ثقة يمنحها لكم الاخرون لايقاظ هممكم المدفونه دواخلكم ..

حتى وان كنا لانؤمن بقدراتنا فهناك من يؤمن بها ويحفزنا لاستثمارها في كل شيء مفيد..

فكم منا اصبح شيء كبير في يوم من الايام فقط لكلمة محفزة سمعها من شخص او قريب..

ففكت قيوده الداخلية السلبية لتحل محلها ايجابيات شخصيته وقدراته..

حتى وان كنت ترى نفسك ضعيفا لاتستطيع شيئا ..

فتاكد ان هناك من يراك قوي ذات شخصية مميزة تستطيع المساهمة اسهاما كبيرا ..

وان بيدك الكثير ولكنك غافلا عنها ..

فان لم تكن ثقتك من الداخل كافية لتحريكك نحو الافضل ..

فلاتهمل من يثق بك خارجيا ..

فالهدف واحد لتوقظ ماردك النائم داخلك ..


مُحَرَّمة

[مُحَرَّمة]

علـے ڪف القدر نمشيـے ۆلا ندري عن المڪتۆب !!

عنوان مدونة اختي كتبية محبوبة ..

دايما هالجملة ف بالي وتتردد الى ذهني ..

فعلا تأخذنا الحياه بطرقها المختلفة ..

لانعلم اي طريق هو مقدر لنا ..

ولانعلم اين هي نهاية طرقنا المكتوبة والمقدرة بيد الله عزوجل..

مانحن الا فقط مفكرين مخططين لما نطمح اليه ..نحن نرسم بعض الطرق لنتحرك بها ..

لنحقق احلامنا ..امنياتنا ..اهدافنا ..

وهناك مسارات نسلكها كيفما حددها لنا رب العباد ..

كما مسار العمل والزواج والدراسة ..

كل منهم تطمح له النفس البشرية ..

ولكن بالاخير هي ارزاق مقسمة قد نسلكها جميعها وقد نسلك بعضها ..

فنحن نجتهد ونعمل ونحلم ونطمح ..

ولكن علينا الا نحزن اذا مالم يتحقق منها البعض فهي لحكمة مقدرة ..

فلعل بداية الطريق نظن بانه خير ولكن نهايته لاخير فيه لنا ..

فقط خطط ونفذ..واترك النتائج يحققها رب العباد ..


مُحَرَّمة

[مُحَرَّمة]

28- 4 -2012م

//

مساء السبت الساعة 8:04 م

الاسبوع الماضي ..

تلقينا خبر وفاة الوالد رحمه الله ..

وددت لو وجدت مؤازرة واحدة فقط من هنا ..

//

[مُحَرَّمة]

مازلت مبعثرهـ من داخلي ..

بعد رحيل والدي ..

فقد توقف كل شي عندي حتى احساسي وقلمي..

[مُحَرَّمة]

صباحكم ورد ..

اعتذر عن انقطاعي للفترة اللي راحت ..

وبستغل الفرصة بما اني دخلت عالسريع اني اذكر شخص دايما يسال عني .

ويسال عن غيبتي وحالي واحوالي سواء عالخاص ولا برسايل الزوارحتى لو اني انقطعت لفترات طويلة ..

رغم انه مافيه معرفة شخصية خاصة ..

كتبيه محبووبه

ماتفقدين غالي وسلام خاص لج ولقلبج الحلو ^^..

واسمحيلي مااروم ابدع وايد لان مستعيلة ^^

لي عودة وسلامي للجميع ..

[مُحَرَّمة]

صباحكم امل وتوفيق وابتسامة ..

صباحكم أناس يقاسمونكم معنى الابتسامة والفرحة ..

صباحكم اناس يدعون لكم بظهر الغيب.. فقط لايمانهم بانكم تعنون لهم الكثير ..

صباحكم علاقات ودية تحمل بين طياتها كل حب وتقدير..

صباحكم حسن ظن بالله وتوكل على مقسم الارزاق ..

صباح السعادهـ لاصحاب السعادهـ ^_^

[مُحَرَّمة]

كل عاام والجميع بخير ..

ومبارك عليكم الشهر الفضيل ..

وربي يتقبل منا ومنكم صالح الاعمال ..

والسموحة من الجميع ..