بعرفك عن نفسي و اباك تقرر اذا كنت اعيبك ولا اصلا انسى تدور على غيري المهم
اسمي : احبك وبس
عمري: العمر مستمر ولو تباه خذه
تاريخ ميلادي : مميز وايد 4/4
هوايتي: انت وبس اكتبلك اللي فخاطري
امنيتي : اعرفك قبل ما اموت
مزاجي: دوم حزينة واترياك اتريا اعرف منو اللي بيحبني
انا حساسة لدرجة كبيرة بس كلمة مزعجة تخليني اهدم يبل فوق راسهم احب الطبيعة وايد واعشقها احب اكون بروحي ودوم افكر فيك باختصار لكل هذا حياتي هي انت وبس
انا حبيت مهند وخوان ميقييل بس حبيت اكثر منهم بوايد وانت بنظري احلى ريال فالعالم ومحد يقدر يعارضني احبك موت ما اهتم لكلام العالم لو قالو اني مينونة بس انت لو قلتلي حتى ولو فرسالة بصدق اني مينونة
اذا كنت تحبني اصرخ باعلى صوتك وقولي احبج الهنود مو احسن منك
تعرف سالت وينك وانا اعرف انك مو موجود اليوم انزعجت وايد بس من اتذكرك اهدا كنت ابى اسب حد او اغلط على حد بس كونك الوحيد اللي احب اتضارب معاه يمنعني من الضرابة مع احد غيرك
عشقت الهوا بوجودك عشقت البحر بصوتك عشقت المطر بحبك لي بس عشقتك بدون سبب
أخاف اكتب اي شي يزعجك وانت أغلى شي بدنيتي أسمعني و لا تحرمني من صوتك من كثر ما صرت مثل ظلي أتمنى لو أنساك للحظة وأفكر فنفسي غيابك طول حبيبي وانا لولا الصبر كنت بلحقك وين ما كنت
جوف كتبت احبك بأكبر خط و عطيتك قلبي بدون مقابل وانت متى بتي و تفرح قلبي اصلا هذا اذا عرفت من انت
انا انسانة صامدة رغم عذاب الحياة احبك و احب أعيش بحبك لكن من يظن أني فيوم اقدر أعيش بدون حبك اشتقتلك والشوق ذابحني تعال حررني من هالعذاب خلني أجوف نور الحياة من اول ويديد بس بوجودك
تحملت مسؤووولية وايد اشياء مثل ما تحملت مسؤولية حبي لك ومستعدة اقبل النتايج بس عشانك تعال تعال وهذي الكلمة قلتها وايد لاني متوقعة ان حبيبي او حامل قلبي بيكون مسافر او ساكن بالخارج حتى لو كنت جي انا اباك انت وبس ومتأكدة انك مهما كنت عايش بالغربة قلبك فالامارات واهلها
لا تعتبر ضيقتي الم فقلبك بس اعتبر ضحكي بسمة على شفاتك وهذي امنية من امنياتي تكون الفرحة دوم عويهج ويارب حقق امنيتي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
المفضلات