الرئيسية التحكم التسجيل أتصل بنا
النتائج 1 إلى 2 من 2

الموضوع: قصيدة عن الام

  1. #1
    مبدع جديد
    الصورة الرمزية NAJI

    الحاله : NAJI غير متواجد حالياً
    تاريخ التسجيل: Apr 2013
    رقم العضوية: 7098
    المشاركات: 4
    Array

    افتراضي قصيدة عن الام

    لاقلت يمه حنان الاسم يكفيني
    وشلون ضمت يدينك يابعد رأسي...


    يمه يايمه دخيلك لا تخليني
    محتاج قربك وحضنك يابعد ناسي...

    محتاج عطفك دخيل الله ضميني
    لاتتركيني لدنيا قلبها قاسي....

    يالغاليه بشوق جيتك لاترديني
    جيتك وخطوات رجلي تسبق أنفاسي..

    محتاجلك حيل ومحتاجك تلميني
    من قسوة الوقت ومن تعذيبه القاسي...

    أبي بعيونك عن احزاني تشيليني
    وابي بحضنك أفارق هم وسواسي...

    وأبي أحس بشعور ٍ منك يكسيني
    عطف ومحبه وحنان ٍ دون مقياسي...

    يمه كبرت وكبر هم الزمن فيني
    ومن لوعة الوقت قلبي عايش يقاسي...

    محتاج حضنك أمانه لاتلوميني
    محتاج اعاود طفوله كلها أوناسي...

    برّجع الوقت وانسي اللي معنيني
    يومي صغير وحنانك ماليءً كاسي...

    يمه ذكرت الزمان الماضي بعيني
    ماضي الطفوله السعيده وروعة إحساسي...

    كم كنت أضمك وكم مره حضنتيني
    وكم نام راسي على صدرك وهو ناسي...

    وكم كنتي تبكين من فكر يبكيني
    وكانت عيونك فداك القلب حراسي...

    وكم كانت مناك دايم بس تشوفيني
    احلى وأنظف " ولد بين جلاســي...

    وياما وياما سهرتيلي تواسيني
    لأونست ضيقه وزار الهم مجلاسـي...

    وكم كان حضنك عن الخلان يغنيني
    وكم كان عشقك لفرحي ماله قياسي...

    الله ياذاك الزمان شقد يحيـيني
    ليته يعود وتعوووود أفراح وأماسي...

    ياليتني ماكبرت ولاقسى ليني
    وبقيت طفلٍ همومه لعب وأكياااسي...

    يالغاليه جيت لك شوقي يقديني
    كبير لكن بقربك يصغر إحساااااسي...

    يمه يايمه أنا ولدك تحبيني
    أدري وربي ولكن بقهره يــأسي...

    بحطم الحزن فيني وأقهر سنيني
    وبقول للهم "ياقلب العنى" ناسي...

    بنسى عذابي بحضنك لاتهديني
    من بعد حضنك يزيد الهم هوجاسي...

    لاتتركيني وضمي يديك ليديني
    لمسة كفوفك تبدد قسوة أتعاسي...

    أبي أعاند زماني وظلمه الشيني
    وأبي بقربك أرده عني الخاسـي...

    ياأعز ناسي وياكل الكون في عيني
    ياملهمتـني المحبه وصيت نومــاسي...

    يفداك عمري وروحي وكل مغليني
    ويفداك كلي وأنا من رأسي لساسي...

    ياأغلى غرام ربى داخل شراييني
    وياأعذب شعور ٍ سكني وياأجمل إحساسي...

    وسلامتكم :redface:

    الشاعر:- عبدالله المرزوق

  2. #2
    المشرفة العامة
    الصورة الرمزية همس

    الحاله : همس غير متواجد حالياً
    تاريخ التسجيل: May 2011
    رقم العضوية: 12
    الدولة: United Arab Emirates‏
    المشاركات: 11,957
    Array

    أوسمة العضو


    افتراضي

    صح لسان قايلها ..

    قصيدة في قمة الروعه والجمال ..

    الله يحفظ امهاتنا ويرحم امهات المسلمين ..

    تسلم ع هالطرح الجميل .. وننتظر جديدك ..



    لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •