السراب




الغلا مات لاتنده ولا تقول سم
صرت انا والقصايد وانت معنى عذاب

انكتب جرح تلقاني على كل فم
صرخة من خفوقي صوتها اصدق جواب

ينزف الجرح صوت وينزف الجرح دم
كل قطرة ملام وكل ونة عذاب

ودي الم جرحي من لياليك لم
قبل اعلق على الخفاق دونك حجاب

لو تمنيتني في الحب ما قلت تم
اتمنى يطول بك النوى والغياب

ايه احبك..واضمك بين الاهداب ضم
والجوارح على جرحة شعورك تهاب

امس عشتك فرح واليوم ابنساك هم
في جفاف الصحاري من يذوق السراب..