هاتي يدينك وانحني واحضنيني
ودي أسولف للدفا قصة البرد
جيتك وحيد وترتعش بي سنيني
جيتك أضم الموت بيديني الجرد
!


************************

أقفيت عنه والتفت لي على هون
نادى ولكن خاطري ما التفت له
جيته وأنا مطعون وأقفيت مطعون
فيني سوالف وش كثر.. ما انحكت له
لا تقول لي وشلون أنا آقول وش لون
أبكى العيون اللي بماها بكت له


*********************

الصد طول وأنا ماني على مايرام
قلي متى ودك تعود لقلبي متى
تجمعوا في غيابك واتركوني حطام
الهم والشوق وأحلامي وبرد الشتاء


*******************

ما علمتني حاجتي عسف الأشواق
ماني من اللي يندفن بالحيا حي
مآحب أجرد لوعتي فوق الأوراق
أضحك وكنه ما حصل بالفعل شي
من عافني عندي الجزاء.. يشبع فراق
طبعي أجازي كية الروح بالكي


*************************

جيت أنزعك من جوف قلبي واستحيت
عشرة عمر .. مانيب ناسي دورها
كم رحت معها بالقصيد وكم جيت
وكم نازعتني عبرتي بسطورها
وإن كان عن بعض المشاعر مادريت
الشمس بكره ينكشف لك نورها


***********************

لا جيت تطعن خفوقي أرفق بـ طعنك
أخاف لا تجرح يدينك وتوجعها


**********************

راحوا وخلوا لي شبابيك وأبواب
أحضن شعاع الذكريات وغروبه
وأحفظ بقايا عزتي بعد الأحباب
جريح والجرح الندي.. ما دروا به
إن هلت الفرحة تجي مثل الأجناب
وإن مرت الذكرى.. تمر بصعوبة


**********************

يوم ودعني تلعثم في كلامه
وشفت فـ عيونه دموع الحب حية
ما قويت آقول له: مع السلامة
قلت: من زود الوله يالله حيه


**********************

يا زين لا تنسى مودة عشيرك
أذكر عهود الحب وإخلاص الأحباب
ولا تبتعد عني عسى الله يجيرك
خلك بقربي يا بعد كل الأصحاب
إن جيت عندي ما تمنيت غيرك
وإن غبت عني كل شي" معك غاب


*************************

نمشي مع الدنيا على العسر واللين
ونصبر على الدنيا ولو هي عسيرة
الله خلقنا له عباد" مصلين
ومن لا عبد ربه بيلقى مصيره
ولو دارت الدنيا على الدرب ماشين
نصبر على المقسوم والصبر خيرة


*********************

البرد ماهو رجفة يدين وعظام
البرد برد الروح لا غاب غاليه


*********************

عهد الوفا ما بيننا ضاع لكن
طويت صفحة حبنا داخلي طي
من بعد ما كنت بـ عيوني أماكن
اليوم أشوفك في عيوني ولا شي
خسرت قلب" داخله كنت ساكن
وأصبحت شمعة للأسف مالها ضي
روح وتأكد لون الأيام داكن
بكرة يخونك وقتك ومرجعك لي


**********************

تجين نشاور أهداب السحاب اللي عجز يرتاح
وش أحلى لون فص الشمس وإلا لون وجناتك
تجين نعلم التوت المشي ونزخرف التفاح
ونشرح بالكرز والثلج كيف تسيل ضحكاتك


********************

لا تترك المجروح يشكي ويشقى
وإعرف ترى كثر الجفا منك جرراح
إن ما رحمت الحال وش عاد يبقى
غير الرحيل لعالم" فيه نرتاح
كل" يدور عن حبيب" ويلقى
شخص" بلقياه الهواجيس تنزاح


*********************

يارفيع الذوق يالعذب الخجول
ياشبيه الحلم وأبعاد الخيال
يا ربيع العمر في كل الفصول
عانق أسراب الغلا شوق وتعال


**********************